Publications
Partners
Durban – Kuboshwe osolwa ngokuduna imoto ngemuva kokuba ebanjwe esibhedlela ezofuna usizo elimele, kusho amaphoyisa ngoLwesibili.
Owesilisa oneminyaka engu-28 ubudala – obhalise ngegama okungelona elakhe esibhedlela – usolwa ngamacala ehluleke, okubalwa kuwona nelokulimaza iphoyisa kabi.
Esitatimendeni sangoLwesibili, okhulumela amaphoyisa uCaptain Nqobile Gwala uthe owesilsa nomngani wakhe badune imoto yowesifazane eChatsworth ngoLwesine mhlaka 25 Agasti.
"Bamphoqa ukuba aphume emotweni bemkhombe ngesibhamu, base bebaleka nemoto badubula kathathu emoyeni.”
UGwala uthi amaphoyisa imoto ayilandela ngosizo lwe-tracker ayithola emzini oseTafelkop, KwaNdengezi, ngalobo busuku.
Funda nalolu daba: Wasatshiswa ngebhodlela owayebanjwa inkunzi
"Abasolwa ababesemotweni bavulela ngenhlamvu bebhekise emaphoyiseni, nawo aphindisela. Kodwa abasolwa bakwazi ukubaleka ngemoto.”
Ngakusasa, amaphoyisa aseGreenwood Park imoto ayithola eQuarry Heights, eThekwini.
"Kudubulane amaphoyisa nabasolwa, kwadubulela iphoyisa elineminyaka engu-26 ubudala emlenzeni nasesiswini,” kusho uGwala.
UGwala uthi ngoLwesibili ekuseni iziphathimandla zaseScottburgh zilandele umkhondo ezibaholele eGJ Crookes Hospital eScottburgh.
"Bapheke ngemibuzo obedubulekile esesibhedlela, kwatholakala ukuthi ungumsolwa obefuneka ngokweba imoto nangokudubulana namaphoyisa.”
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.
