Publications
Partners
Johannesburg - Amaphoyisa aseVereeniging eVaal, eningizimu yeGoli, athungatha abesilisa ababili ngecala lokuzama ukuphanga umuzi endaweni.
UCaptain Fikile Funda, okhulumela amaphoyisa, uthe abasolwa ngoMashi 13 benza sengathi bafuna iMilton Primary School. Babehamba ngemoto yohlobo lweBMW 3 series emhlophe..
“Abasolwa ababehlomile bangena ku-31 Fish Eagle Drive eThree Rivers, eVereeniging benza sengathi bafuna usizo, badukile.
“Bangqongqoza emnyango kwavula owesifazane ezobayalela indlela.”
Kodwa owesifazane wabanezinsolo, wavala umnyango ngokushesha.
OLUNYE UDABA: Kushone amawele ibhasi lishayia isigadla
“Owesilisa oyedwa wakhipha isibhamu, wazama nokuvula ngenkani umnyango.”
Owesifazane wakwazi ukufonela amaphoyisa, abasolwa babaleka. Ngemoto. Kucelwa noma ngabe ubani onolwazi ukuba axhumane namaphoyisa aseduzane noma afonele ku: (016) 450 2262/4, i-Crime Stop:0800 10111 noma umphenyi wecala uConstable Molifi Taje, ku: 073477823.
Khonamanjalo, amaphoyiosa athungatha abasolwa abathathu abeqe esitokisini saseLeeudoringstad ngoSepthemba.
USergeant Gabriel Motsemme uthe uThabiso Molefe wayeboshwe ngecala lokudlengula kanti uMosiwa Monyane noMthokozisi Khumalo babeboshwe ngecala lokugqekeza nelokweba.
Oyovela nemininingwane angase akonyeliwe. Kanti angaxhumana noMotsemme ku: (018) 581 0809 noma ku:073 433 7195.
