eMpangeni - Uphiko lweK9 eMpangeni kanye nophiko lwe-Flying Squad eRichards Bay batholane phezulu nezigebengu zisaphanga.
Lawa maphoyisa abizelwe emzini oseBrankenharm lapho abasolwa bebehamba ngemoto yohlobo lweVW Polo.
Le moto itholakale ipake egcekeni lapho kuphangwa khona abasolwa bephakathi. Ngesikhathi amaphoyisa esondela kule moto, abasolwa bavulele ngenhlamvu.
OLUNYE UDABA:Kushone abathathu izigebengu zigasela KwaMnyandu Mall
Umsolwa oyedwa udutshulwe washona khona lapha kwaboshwa ababili. Abasolwa bathole izibhamu ezimbili kanye nempahla eyebiwe kule moto.
Uphenyo lwamaphoyisa luveze ukuthi lemoto yebiwe endaweni yaseMpangeni ngomhlaka 17 kwephezulu.
Abasolwa ababili ababoshiwe bazovela phambi kweMantshi yaseMpangeni.