20 Oct 2017

Baboshiwe abafundi abashaye othisha ngendle nangomchamo ePMB

Pietermaritzburg - Amaphoyisa abophe abafundi abangu-34 abafunda esikoleni samabanga aphakeme eMgungundlovu.

Kuthiwa laba bafundi bebeshaya othisha ngamatshe, umchamo ofakwe kumakhondomu, uthuvi kanye namaqanda ngesikhathi kugujwa usuku lokugcina befunda.

Lokhu kwenzeke esikoleni i-Eastwood High School kanti kulimale impahla yalesi sikole kanye nezimoto. Uyedwa nomfuni ophuthunyiswe esibhedlela ngenxa yokulimala kunalesi siphithiphithi.

OLUNYE UDABA: Ubulewe owayejikijela indle kubhikishelwa amanzi nokuthuthwa kwendle

I-The Witness ngoLwesine ibike ukuthi bangu-18 abafundi ababoshiwe, babekwa amacala okudala udlame emphakathini kanti bazogqunywa esitokosini njengoba behlulekile ukuthola ibheyili eNkantolo eNkulu yaseMgungundlovu.

"Ukushayana ngamakhondomu afakwe amaqanda kanye namanzi yinto eyenzeka minyaka yonke uma abafundi bethokozela usuku lokugcina lokufunda," kusho umama womfundi kamatikuletsheni oboshiwe.

Lo mama uthi isimo sibhebhetheke saba sibi ngesikhathi abafundi besazithokozisa ngoLwesibili.

Abafundi ababoshiwe baseminyakeni yobudala ephakathi kuka-14 no-20.

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()