Durban – Amadoda amahlanu asolwa ngokubulala abantu ababili emhlanganweni weSA Communist Party adedelwe ngebheyili eNkantolo yeMantshi yaseCamperdown ngoLwesithathu, kusho iNational Prosecuting Authority.
Amagama abasolwa nguBafanyana Maxwell Shange, 42, uZamokwakhe Shozi, 38, uBuka Shozi 44, uNhlanhla Majola, 44 noMabhunu Madondo, 36, kanti badedelwe ngemali yebheyili engu-R10 000 ngamunye.
OLUNYE UDABA: Kuboshwe 5 ngesigameko esenzeka eNchanga
Udaba luhlehliselwe umhlaka-21 Febhuwari ukuze kuqhutshekwe nophenyo.
Kwadutshulwa kwashona uBongani Hlatshwayo, 38 noPhillip Dlamini, 69, emhlanganweni owawusenkundleni yezemidlalo Kwandokweni eNnchanga ngomhlaka-24 Januwari.
- “Like” ikhasi lethu kuFacebook ukuze uthole izindaba ngolimi lwakho