Cape Town - Agwetshwe iminyaka engu-22 ejele amadoda amane azama ukubamba inkunzi ehlomile isitolo sokudlela.
La madoda agwetshwe eNkantolo yesiFunda yaseBellville ngoMsombuluko ngemuva kokuzama ukubamba inkunzi ngo-2015.
OLUNYE UDABA:Kuboshwe ababambe inkunzi esitolo sakwaMcDonald
ULuthando Mjabeka, 24, uYonela Mhlanganiso, 26, u-Anathi Nombuthuma, 33, noThembinkosi Zumani, 29, balahlwe yicala lokuphanga, elokutholakala nesibhamu nezinhlamvu okungekho emthethweni.
Babamba inkunzi isitolo sakwaMcDonald eDurbanville baboshwa khona endaweni yesigameko bephethe imali engu-R12 500.
Kwesinye isigameko, amaphoyisa aseSouthern Cape awakabophi muntu kulandela izigameko ezimbili zokudlwengula ezenzeke ePacaltsdorp naseGreat Brak River.
Amaphoyisa athungatha amadoda amabili asolwa ngokudlwengula owesifazane oneminyaka engu-23 ubudala eGreen Haven, eGreat Brak River, ngeSonto.
Lo wesifazane wahlaselwa esendleleni egodukayo.
Enye intombazane eneminyaka engu-10 ubudala idlwengulwe yindoda engaziwa ngasePacaltsdorp iphuma esikoleni ngasekuqaleni kwale nyanga.
- IOL