Bekungilungele ukuba ngesule - Obengungqongqoshe

Cape Town - Lowo owayenguNgqongqoshe wezeziMali uNhlanhla Nene uthe ubone kufanele ukuthi esule esikhundleni njengelungu le-ANC ePhalamende.

Lokhu kulandela ukuthi igama lakhe laphakanyiselwa kwesozongamela i-African Regional Centre of the New Development Bank.

“Yebo, ngesula ngonyaka owedlule," eqinisekisa.

“Ngenxa yokususwa esikhundleni nokuthi ngaphakanyiselwa kwesozophatha iBricks Bank, ngabona kukuhle ukuthi ngesule ePhalamende."

OLUNYE UDABA: Ukushoda kukagesi kuyingqinamba emnothweni wezwe- Nene

Uthi yize asula ngoDisemba, ukwesula kwakhe kuze kwafakwa emabhukwini ngenyanga eyedlule.

Ngemuva kokususwa kukanene kwesikangqongqoshe, uMengameli Jacob Zuma wathi "kunesimo esiphuthumayo sokuthi kuguqulwe ubuholi".

Wathi kumele kuthunyelwe amagama eShanghai alabo abaqokelwe kwesokuphatha leli bhange, elizozinza eGoli.

UNene uthe uma kukhona okuqhamukayo uzokwamukela, kepha okwamanje ubengakezwa lutho.