Johannesburg – Umholi weDA, uMmusi Maimane, usephinde wanxusa i-ANC ukuthi ixoshe uNdunankulu wesifundazwe iGauteng, uDavid Makhura, okukanye kube iyona okubhekwana nayo ngokushona kweziguli ezingaphezu kwezingu-100 eziphazamiseke ngokomqondo nezakhishwa esibhedlela iLife Esidimeni.
Ekhuluma ngesikhathi leli qembu limashela emahhovisi kaNdunankulu ngoLwesibili ekuseni, uMaimane uthe uMakhura uyena owagunyaza ukuthuthwa kwalezi ziguli zisuswa esibhedlela iLife Esidimeni, ziya ezikhungweni ezingekho ngaphansi kukahulumeni.
OLUNYE UDABA: Inhlekelele yaseLife Esidimeni sekuyibhola lepolitiki ku-EFF, kusho i-ANC
“OMakhura benu kungenzeka ukuthi yibona ababeshayela izimoto zezidumbu ezithwele izidumbu zabantu bethu. ENingizimu Afrika, sibhikisha ngezinto eziningi, kodwa namhlanje silapha njengabahlali ababonile ukuthi abantu bethu bashonele ezandleni zahulumeni ongenandaba,” kusho uMaimane.
UMaimane uthi bazokwenza uhulumeni ka-ANC uphendule ngalokhu kushona kweziguli ngesiphakamiso “sokungabethembi ubuholi bukaMakhura, nokuphikiswane ngaso esiShayamthetho ngoLwesibili.
Leli qembu liphinde lanxusa ukuba kwenziwe uphenyo ngesiguli ngasinye esashona.
UMaimane uthi i-ANC kumele imphoqe uMakhura ukuba asule, okukanye abantu bavuke bame ngezinyawo ngobuningi babo.
#Eaidimeni DA representatives about to address the crowd. @News24 pic.twitter.com/m6ZDR8FObe
— Sisa Canca (@squire208) February 28, 2017
"There must be an inquest for each and every one who died" Maimane #Esidimeni @News24
— Sisa Canca (@squire208) February 28, 2017
You knew, Honourable Premier, now do the honourable thing and resign! - @MmusiMaimanehttps://t.co/S8uSmxXZ3c #JusticeForEsidimeni pic.twitter.com/BNVDAplB9U
— Democratic Alliance (@Our_DA) February 28, 2017