Johannesburg - IKhomishana iThe South African Human Rights (SAHRC) ithi isiluphothulile uphenyo ngokwashiwo yiNkosi yamaZulu uGoodwill Zwelithini.
Kukholakala ukuthi inkulumo yeSilo samaBandla yiyo eyadala udlame olwalubhekiswe kubantu bokufika kuleli KwaZulu-Natal ngoMashi kulo nyaka.
UNgangezwe Lakhe kuthiwa wakhuluma emcimbini owawusoPhongolo enyakatho nesifundazwe.
OLUNYE UDABA: Sivulelwe icala iSilo samaBandla-Umbiko
Okhulumela ikhomishana u-Isaac Mangena uthe ikhomishana yathola izikhalazo ezingu-31 phakathi kuka-Apreli noJuni.
UMangena uphinde wathi iNkosi izowuthola ngoMsombuluko mhlaka-30 Novemba umbiko wophenyo, kubika i-SABC.
- “Like” ikhasi lethu kuFacebook ukuze uthole izindaba ngolimi lwakho