Publications
Partners
Pretoria - IFreedom Movement kanye namanye amaqembu ezombusazwe azobamba umbuthano omkhulu omelene noMengameli Jacob Zuma ePitoli ngoLwesine.
USuku lweNkululeko kubungazwa ngalo ukhetho lokuqala lwenkululeko ngo-1994 ngemuva kukahulumeni wobandlululo.
INingizimu Afrika namhlanje igubha iminyaka engu-23 yaphuma ngaphansi kwesandla sabacindezeli.
OLUNYE UDABA: UMantashe uthi akaze axolise kuZuma
Okhulumela iFreedom Movement, uCatherine Constantinides, uthe i-UDM, Cope, African People's Socialist Party (APSP), DA, FEDUSA, OUTA ne-UDF bazoba yingxenye yalo mbuthano.
Owayengumsizi kalowo owayengumengameli uNelson Mandela, uZelda le Grange, naye kulindeleke ukuba ahambele lo mbuthano.
Uzoqala ngo-10:00 eCaledonian Stadium, ePitoli.
Le nhlangano ike yabamba enye imashi enkulukazi e-Union Buildings izwakalisa ukuthi ayisabethembi ubuholi bukaMengameli Zuma ngakho kumele ashenxe esikhundleni.
