Publications
Partners
Durban - Osomabhizinisi abaqinile babambisene nabasafufusa emcimbini obubanjelwe eCity Hall eMgungundlovu, kubika i-KZN Eyethu.
“Thina sikhule kubanjiswana kumele sikhuthazane sibuyele ezintweni esasizenza sisakhula,” kusho uDkt Gcina Mhlophe.
UMhlophe ubeluleka abesimame abasafufusa emcimbini othathe izinsuku ezimbili.
“Ngithokoza ngaphakathi uma ngisezindaweni ezinje lapho abantu bezama ukuzithuthukisa. Sebenzelani ukwenza amagama enu athembeke,” kusho yena.
Lomcimbi ubuhanjelwe wumsakazi woKhozi Fm uVukile Nongcebo Mckenzie kanye nezinhlangano ezahlukene zizokweseka intuthukuyo yabesimame.
OLUNYE UDABA:'UCassper uqhathe osomabhizinisi baseMlazi'
UMaria Ngubane, 72, Sweetwaters owenza umsebenzi wokuthunga uthe imicimbi efana nalena ibasiza kakhulu ngoba bathola ukwazana nalabo abebengawazi umsebenzi wabo bawubone.
USthandiwe Dimba oyi- Corporate Social Investment Co-Ordinator eThala uthe bafuna ukuhalalisela abesifazane abasazibambe zaqina emabhizinisini nokuthi izinto zibashaya kodwa baqhubeka nokuyibamba.
