25 Nov 2015

Indoda yadlwengula, yabulala yashisa ingane, 7

Pretoria – Bekungathi linqunywe umlomo iJaji leNkantolo eNkulu yasePitoli uMohamed Ismail ngesihluku esenziwe yindoda yaseWinterveld eyaqubula intombazane, 7, ilele emjondolo yayoyidlwengula, yayiklinya ngezintambo zezicathulo.

UBen Masilo Maselane wayiqedela uSibongile Chauke ngokumlengisa ngentambo yezicathulo wase eshisa ithayi nezinye izinto ngaphansi kwesidumbu.

Isidumbu sikaBongi sasha saphela njengoba kwakungasabonakali nokuthi nguye kwasiza ulibofuzo.

OLUNYE UDABA: Uboshiwe obephoqa indodakazi ukuthi ilale nesoka lakhe

UMaselane, 35, waqhubeka nokugcola kwakhe ngosuku olulandelayo esiza amalungu omphakathi ukufuna ingane.

UMaselane wahola amalungu endaweni yesigameko kodwa wathula du ngokuthi nguye umbulali.

Lo baba wezingane ezintathu ume ebhokisisni wavuma amacala akhe amathathu okuthumba, ukudlwengula nokubulala ingane.

UMaselane wamukele odilikajele ababili engatshengisi muzwa, kubika iPretoria News.

- “Like” ikhasi lethu kuFacebook ukuze uthole izindaba ngolimi lwakho

- Landela IzindabaNews24 kuTwitter

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()