19 Oct 2017

Inkantolo yaseMadadeni ibagwebe udilikajele ababulala usomatekisi

eThekwini - INkantolo eNkulu eMadadeni ikhiphe isigwebo sikadilikajele kubasolwa ababili abalahlwe yicala lokubulala usomatekisi.

NgoLwesine le nkantolo igwebe uLindokuhle Mhlongo, 31, kanye noNdawoyakhe Shabalala, 47, ngecala lokubulala usomatekisi ngonyaka ka-2013.

Ngomhlaka-28 Novemba 2013, ekuseni ngehora lesikhombisa, usomatekisi uSiyabonga Nkabinde, 38, wayehamba nesihlobo ngesikhathi bedudulwa oshayasibhamu ababili ngenhlamvu.

OLUNYE UDABA: Kugwetshwe umnikazi wamakhaza ngelokubulala

Lokhu kwenzeka esigcemeni sase-6 eMadadeni ngaserenki yamatekisi, kanti uNkabinde washonela khona lapho, isihlobo sasinda yize sasilimele kabi.

Kwavulwa icala lokubulala kanye nelokuzama ukubulala esiteshini samaphoyisa eMadadeni, kodwa ladluliselwa kwithimba eliphenya ngodlame lwamatekisi kulesi sifundazwe.

Uphenyo lwaholela ekubanjweni kukaMhlongo noShabalala, bashushiswa icala lagcina ngokubagojela.

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()