Intukuthelo ngabafundi okuthiwa bafundela ebhasini

Johannesburg – UNgqongqoshe wezeMfundo eGauteng, uPanyaza Lesufi, uthi bazothathelwa izinyathelo ezisheshayo labo abanquma ukuthi kuthathwe ibhasi lenziwe igumbi lokufundela eKwanele Primary School, eKatlehong.

Lokhu kuvele kulandela ukuhambela kwe-DA kulesiya sikole ngasekuqaleni kwesonto, yafica izingane zifundela ebhasini, kubika i-SABC.

ULesufi uthi uzophenya ukuthi ngubani owavumela abafundi ukuba bafundiselwe ebhasini.

OLUNYE UDABA: Kushiswe ikilasi embhikishweni

Lesi sikole sinabafundi abangu-1 640 nothisha abangu-40.

ULesufi uthi kunamakilasi enele ukuthi angamumatha bonke abafundi bakulesi sikoleni, wathi eyokufundela ebhasini “ibhalwe ipolitiki”.

“Kungenzeka ukuthi kukhona umdlalo wezepolitiki odlalwayo ngoba sekukaningi kubikwa ngale nkinga kepha akekho oyilungisayo.”