Durban - Indoda eyisakhamuzi saseSydenham, eTheklwini idubule yabulala osolwa ngokuba yisisgebengu esiyihlasele ngepiki ngoMsombuluko ebusuku.
Lesi sehlakalo esenzeke emzini okuSpencer Road.
Ngokusho komthombo wamaphoyisa kulesi sigameko bekukhona izingane ezimbili ezincane ngesikhathi amadoda amahlanu abehlomile engena kulo muzi.
"Lezi zingane yizo ezibone izigebengu kuqala zase zimemeza. Ngesikhathi ubaba wazo ezizwa kuzwakale ukuthi lo baba ugijime wayothatha isibhamu sakhe," kusho umthombo.
OLUNYE UDABA:Kubulawe isigebengu kudutshulwana namaphoyisa eThekwini
"Lo baba ushaywe ekhanda ngepiki kodwa wakwazi ukudubula amahlanza ambalwa ebhekise kulesi sigebengu."
Le sisigebengu sidubuleke ekhanda salimala sashonela endaweni yesigameko.
Okhulumela amaphoyisa uMajor Thulani Zwane uthe zonke izigebengu bezihlomile.
"Ngesikhathi zingaphakathi kulomuzi isisulu sivulele ngenhlamvu sabulala indoda eyodwa. Abasolwa badubula nabo kwase kudutshulwana kwalimala unkosikazi wesisulu onyaweni," usho njalo.
"Abasolwa babaleke ngemoto yohlobo lweMercedes Benz ebipake ngaphandle kwalo muzi. Akukakaboshwa muntu," kusho uZwane.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter