Johannesburg - Isobishini intombazane eyabikela amaphoyisa ukuthi yona kanye nabanye abafundi ababili badlwengulwa.
Intombazane eneminyaka engu-18 ubudala efunda eBoksburg, e-East Rand, ingase ibhekane namacala ngemuva kokuba ifunge yathi yathunjwa yadlwengulwa nabanganoi bayo.
Okhulumela amaphoyisa aseReiger Park uSergeant Mashudu Phathela uthi umfundi waseSt Anthony’s Education Centre utshele amaphoyisa ngoMsombuluko ukuthi yena nabanye abafundi ababili bathunjwa badlwengulwa.
Funda nalolu daba: Angase aphume ngempelasonto uNgqongqoshe esibhedlela
Utshele amaphoyisa ukuthi bebephuma esikoleni beya ekhaya ngempelasonto edlule ngesikhathi bebhozonyelwa abalisa abane ebebehlomile, kubika iBoksburg Advertiser.
Kodwa ngesikhathi amaphoyisa eseqalise uphenyo, athola ukuthi ababili kubona bebesemakhaya nemindeni yabo engazi lutho ngalezi zinsolo.
Batshele amaphoyisa ukuthi omunye wabo kungenzeka ukuba uzikhandele lolu daba njengoba ebehambe nesoka lakhe ngempelasonto.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.