Johannesburg - ITreatment Action Campaign (TAC) isikwamukele ukuthi kwenziwe kube semthethweni ukudayiswa kwezinsiza zokuhlolela isandulela ngculazi.
Lezi zinsiza seziyatholakala emakhemisi akuleli kulandela ukuthi iSouth African Pharmacy Association ixegise unswinyo mayelana nokudayiswa kwazo.
I-TAC ithi ukuzihlola ekhaya kuzokwenza ukuthi abantu abaningi bazi ukuthi bamiphi, bakwazi nokuthola usizo ngokushesha uma kunesidingo.
OLUNYE UDABA: Usequbule umsindo umthandazi othi ulapha i-HIV
Owale nhlangano uMarcus Louw uthe: “Uma une-HIV kumele uqale udle imishanguzo ngokushesha. Esikhathini esiphambili sasicabanga ukuthi kulungile ukulinda kuze kwehle amasosha omzimba.
“Kuzosiza-ke ukuthi abantu bazihlole emakhaya ukuze bezosheshe baqale ukudla amaphilisi uma bethola ukuthi banesandulela ngculazi.”
Le nhlangano ithi ingqinamba enkulu ababhekene nayo ekulwisaneni ne-HIV/Aids ukuthi abantu abaningi banalesi sifo, kepha abazi.