Richards Bay - Kubanjwe inkunzi abasebenzi ababili besitolo iThe Crazy Store esikuBoardWalk enxanxatheleni yezitolo iNkwazi KwaZulu-Natal bekhonjwe ngesibhamu.
La basebenzi bebelibangise ebhange lakwa-FNB khona enxanxatheleni yezitolo beyodiphozitha imali yasesitolo, kubika iZululand Observer.
Abasebenzi bahlaselwe eduzane nomnyango webhange ngemuva kwezithuba zabo-09:00 ngoMsombuluko ekuseni.
OLUNYE UDABA: Kubanjwa inkunzi isitolo sakwaShoprite eKapa
Ngemuva kokubaphuca isikhwama semali, umsolwa nomunye abesebenzisana naye babaleke ngemoto yohloboo lwe-VW Golf emnyama.
Akekho olimalile, kuvulwe icala lokuphanga.
Okhulumela amaphoyisa aseRichards Bay uCaptain Debbie Ferreira uthe: "Amaphoyisa asebenzisana nabaphathi benxanxathela yezitolo ukuthola abasolwa nokuqinisekisa ukuphepha kwabasebenzi nabathengi."
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter