Cape Town – Abafana ababili bashonele esibhedlela ngemuva kokutitinywa kanzima umphakathi eMthatha, e-Eastern Cape, kusho amaphoyisa esifundazwe.
Lokhu kulandela ukugwazwa kwekhehla ngempelasonto, lashona.
Amalungu omndeni waleli khehla asolwa ngokuhlasela abafana abane abebasola ngokulibulala.
OLUNYE UDABA: Umphakathi ubulale owesifazane umsola ngokubulala umyeni wakhe
Oyedwa umfana ushonele endaweni yesigameko, kwathi abanye ababili baphelela esibhedlela kanti owesine kubikwa ukuthi ubangwa nezibi esibhedlela.
Okhulumela amaphoyisa esifundazwe uLieutenant Colonel Mzukisi Fatyela uthe: “La bafana bashaywa ngempelasonto eyedlule, ababili kubo bashonela esibhedlela.
“Okwamanje bekungakaboshwa muntu, kepha silandela imikhondo eminingi.”