Kimberley – Amaphoyisa aseNorthern Cape aphenya ngesigameko sokudlwengulwa kwendoda nentombazane, okuyizigameko ezehlukene ezenzeke ngempelasonto.
Amaphoyisa aseJan Kempdorp athi aphenya ngokudlwengulwa kwendoda, 54, edlwengulwe ngabo-05:40 ngoMgqibelo, kusho uLieutenant Colonel Hendrik Swart ngeSonto, kubika i-ANA.
“Kusolakala ukuthi isisulu besilele emzini waso ngesikhathi umsolwa, 30, engena ngewindi wasishaya ngesikhali esibuthuntu ekhanda wase eyasidlwengula. Umsolwa zibe seziyamkhalela ngemuva kwalesi sigameko,” esho.
OLUNYE UDABA: Kudlwengulwe isalukazi ngoba sinemali encane
Kwesinye isigameko, kudlwengulwe intombazane, 17, ngabo-01:00.
“Kusolakaka ukuthi isisulu besikubo siphuza ubhiya nabangani, sathi uma sesizwa ukuthi sesidakiwe saya kolala. Kuthe ngokuhamba kwesikhathi sadlwengulwa umsolwa, obe eseqhubeka elala eduze kwesisulu.”
Zibe seziyamkhalela umsolwa.