Kufunwa abazoba 'yizimpimpi' zamaphoyisa

Cape Town -  Uma unodlebe futhi nezindaba zingavamule ukukwedlula endleleni, ungase ubengomunye wabangakwazi ukuba yinhloli yamaphoyisa asenkabeni yaseGoli.

Lawa maphoyisa akhiphe isitatimende athi afuna abantu abazosiza amaphoyisa ekutholeni izigebengu.

UWarrant Officer Xoli Mbele utshele iNews24 ukuthi bacelwe yizikhulu ukuthi bandise izinhloli ezizobasiza ekulwisaneni nobugebengu.

Abantu kumele bafake izicelo zokuba 'yizimpimpi' kanti uma izicelo zabo zamukelwa, bazobhaliswa baqeqeshwe ukuze bathole izindlela abazosebenza ngazo ngaphandle kokubeka impilo yabo ebungozini.

Funda nalolu daba: 'UZuma udine abe-ANcngokufuna ukukhokha'

“Akumele babeke impilo yabo engcupheni,” kusho uMbele. ''Ngeke babophe muntu bona futhi ngeke bazenze lutho izigebengu noma abasolwa.”

'Izimpimpi' ngeke futhi kudingeke ukuba zethule ubufakazi enkantolo kodwa zizotshela amaphoyisa bese kubayiwona aqhuba uphenyo.

Abafuna lo msebenzi bangafonela inombolo ethi: 0114977135 noma uMbele ku: 0827776263.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).