Johannesburg - Agwetshwe izinyanga ezingu-8 ebhadle ejele amadoda amane ePolokwane, eLimpopo ngecala lokuhlukumeza izilwane ngemuva kokutholakala kwezimbongolo ezingu-41 zingekho esimeni esikahle.
USougson Manasseh‚ uMadhihwa Mjasha‚ uTarget Murima no-Amoni Chirwa‚ bagwetshwe eNkantolo yeMantshi yasePolokwane ngoLwesibili.
OLUNYE UDABA: Sinyukile isibalo sokwebiwa kwezimbongolo
"La mdoda avume icala lokuhlukumeza izilwane ngaphansi kowe-Animals Protection Act No 71 of 1962.
"Onke la madoda angowokufika ezweni kanti aphinde agwetshwa izinyange ezimbili ngaphezulu ngokuba kuleli ngokungemthetho," kusho uGrace de Lange we-Society for the Prevention of Cruelty to Animals (SPCA) said.
Amacala azowadonsa kanyekanye, kubika iTMG Digital.
La madoda abanjwa ethutha izimbongolo esuka eLimpopo ebheke eRandfontein‚ esilaheni esiseGauteng‚ elayiseh izimbongolo ezingu-41 emotweni.
"Izimbongolo zesilisa, isifazane nezinkonyane zonke ziphakathi, iningi lezilwane ziqulekile, zipitshizekile, zifile noma sezifa."
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter