Durban - Sihlonzwe ngamaphoyisa aKwaZulu-Natal isidumbu sendoda esatholwa sishumpulwe ikhanda ekuqaleni kwenyanga eThekwini.
Indoda eneminyaka engu-24 ubudala eyaboshwa maphakathi nedolobha eThekwini ngemuva kokuba amaphoyisa ethole ikhanda lesisulu lifakwe esikhwameni.
Kuthiwa yayihlela ukudayisela inyanga leli khanda ngo-R20 000.
Okhulumela amaphoyisa uThembeka Mbhele uthe isisulu sihlonzwe njengowesilisa wase-Eastern Cape ubeseThekwini ngenxa yamatoho.
OLUNYE UDABA:Kutholwe ikhanda lomuntu esikhwameni eThekwini
Isidumbu sayo le ndoda satholakala eMayville.
UMbhele uthe kuphinde kwaboshwa omunye umuntu mayelana nalesi sigameko.
"Isidumbu sihlonzwe njengesomuntu obehlala eMayville, kodwa odabuka eBizana. Abasolwa ababili baboshwa, bavela nasenkantolo, icala lahlehliswa. Abasolwa basasesitokisini," usho njalo.
Abasolwa balindeleke ukuba baphinde bavele enkantolo ekupheleni kwenyanga.