Pretoria - Iloli likasimende liwele odongeni oluseduzane nojantshi wesitimela iGautrain eMuckleneuk, ePitoli.
Lesi sigameko senzeke ngezithuba zabo 09:30 ngoMgqibelo ekuseni.
Okhulumela abosizo lokuqala uJohan Pieterse uthe umshayeli wale loli lasimende uhlulekile ukulilawula.
"Iloli lishayise udonga lwebhulohwe kuLoveday Street eMuckleneuk."
OLUNYE UDABA:Kuginqike iloli lenyama kwavalwa umgwaqo eGoli
Le loli ishayise udonga yayowela phansi ngakujantshi wesitimela.
"Umshayeli weloli ubelimele kakhulu ubabambeke ngahakathi elolini," kusho uPieterse.
"Kusithathe imizuzu engu-30 ukumtakula, waphuthunyiswa esibhedlela."
Imizila yesitimela ephakathi kwaseHatfield nasePitoli maphakathi nedolobha izovalwa kuze kuqoqeke.
Isikhulu esiphezulu seGautrain uJack van der Merwe sithe abagibeli bazokhishelwa amabhasi.
- “Like” ikhasi lethu kuFacebook ukuze uthole izindaba ngolimi lwakho