Alberton – Kushone umuntu oyedwa kwalimala kabi abanye ababili ngesikhathi kungqubuzana izimoto zabo ngasemgwaqeni uKliprivier noSwartkoppies e-Alberton ngoMgqibelo, kusho abosizo lokuqala eGauteng.
Ngemuva kwehora leshumi nomuvo, abosizo lokuqala bakwa-ER24 bafike endaweni yesigameko bathola ukuthi abantu ebekuleyo ndawo besebemkhiphile omunye wabashayeli emotweni, kusho okhulumela i-ER24 uWerner Vermaak.
OLUNYE UDABA: Amaphoyisa athungatha abeqe esitokisini
"Ubesesimeni esibucayi. Uthole ukwelashwa endaweni yesigameko wabe esephuthunyiswa eMulbarton Hospital ngokuhamba kwesikhathi. Owesifazane naye utholakale elimele ezindaweni eziningi. Ubesavaleleke emotweni, kwadingeka ukuba akhishwe kuqala. Esekhishiwe, uphuthunyiswe e-Union Hospital.
"Omunye wesifazane oneminyaka engu-19 ubudala naye utholakale esesimeni esibucayi. Ngesikhathi abosizo lokuqala besamhlenga, isimo sakhe sibebucayi kakhulu, wagcina engasaphefumuli. Abosizo lokuqala bazamile ukumphefumulisa isikhathi eside kodwa ngeshwa washona,” kusho uVermaak.