Durban - Kushone nezingane ezimbili, enezinyanga eziyishumi izelwe neneminyaka engu-3 ubudala engozini ebandakanya amalungu omndeni angu-7 eyenzeke KwaMaphumulo, kusho abe-IPSS Medical Rescue, KwaZulu-Natal ngoMsombuluko.
Amaphoyisa, angabatshuzi kanjalo nawophiko lwe-K9, asebeznisane nabezicishamlilo zaKwaDukuza ukucinga izidumbu emanzini.
Izidumbu ezingu-6 zitakulwe ngaphakathi emotweni kwathi esisodwa satholwa ngaphandle kwemoto.
OLUNYE UDABA:Kulimale izingane ezingu-70 engozini yebhasi eKZN
Esigamekweni esahlukile ngeSonto, kushone amadoda amabili kwalimala amane ngemuva kokuba imoto yawo ishayise isihlahla kumgwaqo ocezukela ku-N4 phakathi kwaseMoedville naseSwartruggens ngaphandle wkaseRustenburg.
Abalimele baphuthunyiswe nge-ambulensi esibhedlela esiseduzane, oyedwa waphuthyiswa esibhedlela ngendiza enophephela emhlane.