Johannesburg - Amaphoyisa aseNorth West athungatha iziboshwa ezine eziyingozi ebezilinde ukuthethwa kwamacala azo, kusho umbiko.
Kuthiwa lezi ziboshwa zijombe evenini ebizihambisa eNkantolo yeMantshi yaseBrits.
Kusolakala ukuthi iveni ibithwele lezi ziboshwa zisuka ejele laseMgwase ngoLwesihlanu, kubika i-SABC.
Okhulumela amaphoyisa uLeonard Hlathi uthe abasolwa babhekene namacala ehlukene futhi kunxuswa umphakathi ukuba ungazami ukubabamba.
OLUNYE UDABA: Kweqe iziboshwa eziyisithupha esitokisini eGoli
"Amaphoyisa atshelwe ukuthi sekweqe iziboshwa, athi uma eyobheka ngemuva athola ukuthi kweqe ezine. Iziboshwa ezimbili kulezi ngezaseZimbabwe, oChris Sithole no-Alfonzo Mpofu abebeboshelwe amacala amane okudlwengula, elilodwa lokubulala nelokuphanga."
UHlathi uthi laba beqe noGibson Msimango no-Ontse Lebese, abebeboshelwe ukugqekeza umuzi.
"Amaphoyisa acela onolwazi ukuba axhumane noCaptain Jonas Masenamela kwethi 0824160712.”