Durban – Abezimo eziphuthumayo KwaZulu-Natal namanje basathungatha owesifazane nosana okuthiwa bamuke nomfula ngesikhathi bezama ukuwela ibhuluho elihamba phezu kweMafodobo River, ngaseHarding.
Lesi sigameko kuthiwa senzeke ngoLwesithathu ebusuku kule ndawo eseningizimu yesifundazwe.
Ekhuluma neNews24 ngoLwesine, lowo okhulumela i-EMS uRobert Mckenzie uthe owesifazane, 40, ubehamba nomzukulu wakhe onezinyanga ezingu-16 ubudala ngesikhathi behlelwa yilo mshophi.
"Bebezama ukuwela umfula ngoLwesithathu ebusuku. Umfula ubudla izindwani, kanti kukholakala ukuthi amanzi abagugule behamba ebhulohweni elikhasela kulo mfula.”
Ngokusho kukaMckenzie, owesilisa obehamba ngehhashi naye uzamile ukuwela leli bhuloho ngoLwesithathu ebusuku.
OLUNYE UDABA: Kumuke abane abebewela umfula ogcwele eThekwini
"Omunye umuntu wesilisa obehamba ngehhashi uzamile ukuwela kuyo le ndawo, kwamuka ihhashi lakhe yena wasinda.”
UMckenzie uqhube ngokuthi abosizo lokuqala baziswe ngokuduka kwalo wesifazane nengane ngoLwesine (namhlanje).
“Amaphoyisa kanye nabezimo eziphuthumayo bazamile ukuthungatha abadukile, ngeshwa kwatholakala izimpahla zokugqoka kuphela.”
UMckenzie uthe okwamanje akucaci ukuthi lezi zingubo ezitholakele ngezabadukile na.
Nansi i-video yeThe Herald iveza lo mfula: