Johannesburg – I-South African Weather Service (SAWS) ikhiphe isexwayiso ngezimvula ezinamandla ezingxenyeni zezwe, okubalwa isifundazwe iGauteng lapho okungenzeka ukuthi kube nezikhukhula.
Isangoma sezulu u-Elizabeth Webstar ukhulume nabephephandaba iThe Star namuhla ekuseni (ngoMsombuluko) sathi nakuba kulindeleke ukuba line lonke leli sonto, lizoyidliva ngoMsombuluko nangoLwesibili.
OLUNYE UDABA: Izikhukhula zidale umonakalo eKruger Park
Kulindeleke amathuba ezimvula angu-80% ephelezelwa ngamakhaza.
Ezinye izindawo ezithintekayo kubalwa izingxenye ezisentshonalanga yeNorth West, ingxenye esenyakatho yeFree State kanye nezingxenye ezisenyakatho yeKwaZulu-Natal.
UWebster uqhube ngokuthi lesi sexwayiso sikhishelwe lezi zinsuku zombili njengoba kulindekeke amamilimitha emvula angu-50 esikhathini esingamahora angu-24.
"Le mvula ingase idale nezikhukhula."
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter