Bloemfontein – Icala elibhekene noPeter Frederiksen odabuka eDenmark osolwa ngokushumpula izicubu 'zezinkomo' zabantu besifazane lihlehliswe eNkantolo eNkulu yaseFree State eBloemfontein ngoLwesihlanu.
Umshushisi u-Amanda Bester ucele inkantolo ukuba icala lihlehliselwe umhlaka-11 Novemba ukuze kuzoqinisekiswa ukuthi ngubani ozomela uFrederiksen uma sekuqulwa icala.
UBester uthe wathola i-email evela kummeli wakhe, uHoward Woolf, ethi badinga "amasonto amabili okuqondisa izinto".
OLUNYE UDABA: Ubuyela enkantolo owatholakala nezicubu "zezinkomo" efrijini
"Asazi ubani ozommela umsolwa," usho njalo.
Uthe umbuso usuqedile ngophenyo lwalo kanti kulindeleke ukuba ukuqulwa kwecala kuthathe amasonto angu-8.
UFrederiksen, 64, utshele inkantolo ukuthi umndeni wakhe uzomulekelela ngokukhokhela ummeli wakhe. Uthe akazi klungani ummeli wakhe engafikanga enkantolo ngoba ubesevele emkhokhele imali engu-R500 000.
"Kuzofanele ngibonane naye ngoLwesibili kanti uma kungenzeki luhto kufanele ngothole ummeli omusha. Kunzima kumina ukuthi ngingahala cishe isikhathi esingaphezu konyaka esitokisini. Kudala ngagcina ukubona izingane zami noma ngikhulume nazo," usho njalo.
"Inkosikazi yami yashona kathweswa icala lokwakha itulo lkuba ibulawe, kodwa ayibulawanga imina."
UFrederiksen ubhekene namacala angu-59 okubalwa kuwo elokshaya ngenhloso yokulimaza, ukutholakala nemithi engekho emthethweni, isibhamu esingekho emthethweni, ukusabalalisa nokutholakala namafilimu ocansi lwezingane, ukwakha itulo lokubulala nelokuba nesithembu.
Umsolwa waboshwa ngomhlaka-17 Sethemba 2015 ngemuva kokutholakala kwezicubu ezingu-21 zezitho zangasese zabantu besifazane efrijini emzini wakhe.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter