Johannesburg – Omakadebona be-ANC abangu-101 sebecele inhlangano ukuba yenze izinhlelo “zokubuyisa isithunzi nokwethembeka” bese izinuka amakhwapha kungaze konakale izinto eziningi.
"Imiphakathi eminingi ebheke i-ANC ukuba iyihole isibona lenyuka izinga logombelakwesabo, ukuqashana ngobungani kanye nenkohlakalo nokuhlukunyezwa kwamandla.
“I-ANC ayisathembekile emehlweni omphakathi,” kusho lezi zingqalabutho esitatimendeni.
OLUNYE UDABA: Ukuhlakaza ubuholi be-ANC yikho okuzosisiza – Mthembu
Kulabo abayingxenye yalo mkhankaso wokulungiswa kwezinto ngaphakathi kuKhongolose kubalwa oTrevor Manuel, Essop Pahad, Aziz Pahad, Siphiwe Nyanda, Sydney Mufamadi, Alec Erwin, Barbara Hogan, Frenie Ginwala, Ahmed Kathrada, Denis Goldberg, Andrew Mlangeni noGetrude Shope.
"Njengamalungu amadala kule nhlangano sibona kungumsebenzi wethu ukuba sikhuze ukuze kuqinisekiswe ukuthi imigomo nezimiso ze-ANC akushabalali.”
Leli qeqebana libambe umhlangano ngoLwesibili ngemuva kwempendulo abayithole kuMengameli Jacob Zuma noNobhala Jikelele uGwede Mantashe mayelana nezincwadi abazibhalile ezithi “wonke umuntu kumele azinuke amakhwapha”.
Bathi abenelisekile ngempendulo ngoba ayivbezi ukuthi izinto zizolungiswa kanjani ku-ANC.