Bloemfontein – Kuhlaselwe owesifazane wadlwengulwa emzini wakhe oseBloemfontein, kusho amaphoyiska aseFree State ngeSonto.
Kuthiwa lesi sigameko senzeke ngemuva nje kancane kokuthi kuphume umyeni wakhe ngabo-02:00 ngoMgqibelo.
Umhlaseli kuthiwa ungene ngefasitela lasegumbini lokugezela, kusho owamaphoyisa uCaptain Chaka Marope.
OLUNYE UDABA: Kudlwengulwe intombazane ilibangise ekhaya
Izingane ezimbili zalezi zithandani, ezineminyaka emibili neyisithupha ubudala, bezilele ngaleso sikhathi.
Le ndoda ibe isidlwengula lo wesifazane yase yeba ikhompyutha, umakhalekhukhwini nebhokisi elinobucwebe.
Okwamanje bekungakaboshwa muntu.
Kuscelwa noma ubani ongaba nolwazi ukuba ashayele uDetective Warrant Officer Snyman kwethi 082 455 6081.