Owezempilo eKZN uxwayisa ngokuchathwa kwezingane

Durban - UMnyango wezeMpilo KwaZulu-Natal ukhiphe isixwayiso mayelana nokuchathwa kwezingane ezincane ngamakhambi ahlukene.

Lo mnyango ukhala ngokunyuka kwezibalo zezingane ezingeniswa ezibhedlela ngenxa yezinkinga ezidalwa ukuchathwa.

OLUNYE UDABA: Igxekiwe eyokuhlaselwa kwabezimo eziphuthumayo e-KZN

Ngokombiko weSolezwe izingane zisuke zichathelwa ukukhishwa inyoni noma ukuthambisa isisu uma ziqunjelwe.

UNgqongqoshe wezeMpilo KwaZulu-Natal uSibongiseni Dhlomo uthe la makhambi okuchathwa ngawo izingane anobungozi futhi asuke engaphasisiwe ngabe-Medical Control Council (MCC) ngaphansi kowe-Medical Control Act.

UDhlomo uxwayise ngokuthi amakhambi asetshenziselwa ukuchatha izingane anobungozi ezinganeni.

"Sikhathazekile ngokuqhubekayo kanti sikhuthaza abazali nalabo abazigadayo ukuba baziphuthumise ezibhedlela uma izingane zigula ukuze zizolashwa, kulokhu kubaklwa nabantu abadala imbala," kusho uDhlomo.

ITimesLive ibike ukuthi uDhlomo weluleke abazali ukuba benzele izingane zabo amanzi anoshuke nosawoti uma zigula zikhishwa yizisu: ama-teaspoon ashukela angu-8 ne-teaspoon elilodwa likasawoti ufakwe kwilitha yamanzi abilile mase epholiswa ngabandayo.

 - “Like” ikhasi lethu kuFacebook ukuze uthole izindaba ngolimi lwakho