Pretoria - UCaroline Mathe oyisangoma uthi amadlozi amthukuthelele kabi ngokuqolw aesinye ‘isangoma’.
Lesi sangoma esineminyaka engu-39 ubudala saseSoshanguve, eTshwane sithi amadlozi athukuzele ngemuva kokuba siqolwe ngesinye ‘isangoma’ imali engu-R250 000 kanye nenye adayisa ngayo imoto yakhe.
“Ngangihleli emotweni eSoshanguve Crossing Mall ngesikhathi efika kumina ethi amadlozi ami amthume ukuba azongazisa ukuthi kunenkinga yomlenze. Wayekhuluma iqiniso ngoba imilenze yami yayibuhlungu,”usho kanje.
UCaroline uqhube wathi uTimothy wamtshela ukuthi unamabhadi ngenxa yemali ayigcinile.
“Ngaya endlini eSoshanguve ne-trunk eligcwele imali. Wafaka into emhlophe esampuphu, nokwathi uma eyiphephetha, kwavela inombolo yocingo.”
Funda nalolu daba: Angase aphule ngempelasonto esibhedlela uNgqongqoshe
UTimothy wamtshela ukuthi imali ayiphethe ayanele, udinga omunye u-R30 000. Wathi amadlozi akhe amnike inamba okumele ayifonele ukuze adayise imoto yakhe.
“Ngavuma ngoba ngangisezinhlungwini. Ngayidayisa imoto yami ngo-R20 000 ngoba kwakungekho engangingwakwenza.”
UCaroline imali wayishiya kuTimothy. Ngesikhathi esezama ukumthola ngosuku olulandelayo, wayengasatholakali.
“Amadlozi athukuthele, angisakwazi nokuhlola.”
UConstable Reneilwe Makwalo uthe uCaroline kumele avule icala.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.