Durban - Uvele ame phakathi nomgwaqo owesifazane egqoke ingubo emnyama emfishane.
Kanti uma abashayeli besondela nganeno uvele akhumule asale enqunu.
Kodwa lo wesifazane akaguli ngokwengqondo futhi akasiye umgqwayizi, ngokusho kwabazibonelayo bathi lo yisipoki.
Okulandela lapho yingozi, kusho abantu asebake babhekana nale nkinga e-Elandskop ngaphandle kwaseMgungundlovu KwaZulu-Natal.
Abashayeli bavele bashaqeke mase beyahluleka ukulawula izimoto.
OLUNYE UDABA: 'Ngipokelwa unkosikazi ethi ufuna senze ucansi'
Ngokusho kwesakhamuzi lesi sipoki saqala ukubonakala esitobhini sebhasi kusukela ngonyaka wango-2005.
Izakhamuzi zikholwa wukuthi siphuma emathuneni angasesitobhini sebhasi.
Induna uRobert Ngcobo, 69, uthe izakhamuzi zazifuna ukubiza ibandla lakwaShembe ukuze lizokwenza umcimbi wokugeza indawo.
UMengameli wehlangano yabalaphi bendabuko eNingizimu Afrika uSazi Mhlongo uthe inyanga enamadla kuphela engasiza.
Okhulumela abomnyango wezokuThutha uKwanele Ncalane uqinisekise ukuthi izingozi eziningi zenzeka kuleziya ndawo.
UMhlaliseni Hlatshwayo webandla lakwaShembe uthe: Singaya lapho namakhandlela amhlophe siyothandaza, kubika iDaily Sun.
“Siyibandla elinamandla asikho isipoki esingasehlula.”
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter
- Thola ezinye izindaba zeDaily Sun kumakhalekhukhwini wakho