Johannesburg – Ucwaningo lweStatistics South Africa (Stats SA) luthole ukuthi kuyenyuka kubantu bakuleli ukungawethembi amaphoyisa.
Lo mbiko ulandela izibalo zobugebengu ezakhishwa amaphoyisa ekuqaleni kwalo nyaka, ezatshengisa ukuthi zinyukile izigameko zobugebengu iminyaka emithathu ilandelana.
OweStats SA, uKefiloe Masiteng, uthe lokhu sekuyishintshe kakhulu indlela abantu abaziphatha ngayo.
OLUNYE UDABA: Isalele emuva intsha emnyama - Stats SA
“Imindeni isisaba ngisho ukuyodlala nezingane emapaki noma zidlale zodwa ngaphandle ngenxa yokukhula kwezigameko zobugebengu.”
Unezezele ngokuthi bambalwa abantu bakuleli abethemba amaphoyisa.
“Yize ziphezulu izigameko zobugebengu, iningi lazo azizange zibikwe emaphoyiseni ngoba abantu abaningi bathi amaphoyisa ayevele engeke enze lutho ngazo.”