Johannesburg - Ngemuva kokudlula emhlabeni komculi wokholo, uSifiso Ncwane, ngoMsombuluko, izingane zakhe ezimbili nonkosikazi wakhe, u-Ayanda Ncwane, babele enkundleni yezokuxhumana i-Instagram bevalelisa kubaba wekhaya.
"Baba: Ngibonga konke okwenzele umndeni wonkana. Ngiyazi ubungaqondile ukusisshiya. Ngiyathemba ukuthi uzolala ngoxolo futhi ngiyathembisa ukuthi ngizolandela ezinyathelweni zakho. Akekho omunye ubaba oyoba khona onothando njengawe. Nginithanda nonke," kubhala indodana yokuqala kaSifisio Ncwane, uNgcweti.
OLUNYE UDABA: Ubeyibiza ngoKim Kardashian Ncwane inkosikazi yakhe uSifiso
Umfowabo kaNgcweti omncane, uMawenza, naye ubhale enkundleni yezokuxhumana i-Instagram naye evalelisa kubaba wakhe. Kuyo yonke imiqhafazo yakhe ayibhalile bekucaca ukuthi ukhathazeke ngomama wakhe.
"Uyiqhawe lami baba. Siyohlezi simvikela umama," ubhale kanje.
Osaziwayo okubalwa kubo uMaps Maponyane noTbo Touch nabo badlulise amazwi enduduzo ngokudlula kwalo mculi.
USifiso Ncwane, 37, weculo Kulungile Baba usishiye ngoMsombuluko esibhedlela esiseFourways eGoli kulandela ukuxinwa wukugula isikhashana.
IZITHOMBE:
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter