Durban - Ufuna ubulungiswa owesilisa waKwaCeza oNdini, enyakatho yeKwaZulu-Natal othi wadutshulwa ngamaphoyisa engenzanga lutho, kubika iphephandaba ILANGA.
UThokozani Ntuli,48, uthi ufuna umthetho wenze okufanele njengoba esephila kabuhlungu kulandela ukuhlaselwa ngamaphoyisa esemzini wakhe ngoMashi, amshaya amdubula.
Uthi abalelwa kwangu-8 amaphoyisa afika kwakhe amdubula esiswini nasenqulwini ngezithuba zabo-12 ebusuku ngemuva kwalokho amhambisa esibhedlela KwaCeza.
Lona wesilisa uthi kumanje uhamba ngenduku kanti ufuna izwe lazi ukuthi wadutshulelwa into angayazi.
“Okungiphatha kabi ukuthi la maphoyisa aqamba amanga esibhedlela athi angithola esigangeni ngilimele, yingakho enginike usizo,” kusho uNtuli.
Funda nalolu daba: Uboshiwe oshaywe yiqulu esolwa ngokubulal aowesifazane
Uthi kwakunzima ukuzikhulumela besasesibhedlela njengoba isimo sakhe sasibucayi kakhulu.
Ummeli wesisulu, u-Mule Abdullah, uthi amaphoyisa avuma ukuthi adubula uNtuli kodwa athi wona abona umuntu eduze komuzi kaNtuli abesevulela ngenhlamvu ngemuva kokuba ezwe abantu bethi awadutshulwe amaphoyisa.
Uqhube wathi ufuna u-R10 million hhayi okunye.
Okhulumela i-IPID, uRobbie Raburabu, uthi amaphoyisa athi ayeziphindisela.
Uthi bayaphenya ngalolu daba nokuzothi uma sebeqedile baludlulisele kuMvikeli woMphakathi.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.