Durban – INkantolo eNkulu yaKwaDukuza imgwebe iminyaka engu-20 ebhadla ejele owesifazane, 22, osolwa ngokubulala isoka lakhe esebenzisa isihluku.
UFikelephi Ngubane, 22, walahlwa yicalalokubulala uRaymond Mabizela, 52, isidumbu sakhe esatholakala emhosheni sesonakele, kubika iSolezwe.
UMabizela wayenguthisha eBergville, kanti wabulawelwa eWembezi ngemuva kokulutha uthisha ethi akuye khona.
OLUNYE UDABA: Uvelile owabulala isoka elalikhulumisa abaqwayizi
UNgubane kuthiwa wasebenzisana noSizwe Ntshusha kwathunjwa uthisha wase eyabulawa ngoba befuna imali.
Ngemuva kokutholakala kwesidumbu, uNtshusha walihlanza lonke iqiniso enkantolo eseMgungundlovu, wase eyagwetshwa.
Yize ebelokhu eliphike njalo icala uNgubane, ligcine limlahlile.