11 Feb 2016

Ukhethe ukuzilengisa othi ‘uphoxwe yintombi’

Johannesburg – UMulalo Netshunzhi, 23, unqume ukuziyisa kwagoqanyawo, kepha ngaphambi kokwenza lokho wazise umama wakhe nentombi yakhe ukuthi kungani ethatha lesi sinqumo.

UNetshunzhi kuthiwa uthumelele umama wakhe nentombi isithombe kuWhatsApp emi phezulu kombhede esezifake intambo emqaleni.

Umufi uphinde wathumela nomyalezo waxolisa kumama wakhe wase etshela intombi yakhe ukuthi uyazibulala ngenxa yayo.

Kuthe umama wakhe uma ethola umqhafazo, wathumela isihlobo sakhe eHoneydew, esicela ukuba siyovimba uNetshunzhi ukuba angazibulaleli lapho abeqashe khona.

OLUNYE UDABA: Uzilengisile umfundi obebanga ifa nomfowabo

Kuthiwa ubeshiye incwadi ethi ubezimisele ngokushada intombi yakhe, kepha yamphoxa.

Umastende, uThandiwe Magadla, 72, uthe ubuhlungu kakhulu ngento eyenziwe umufi, wamchaza njengengane ebithobekile.

Uthe ufuna umndeni kamufi uzogeza umuzi wakhe ukuze abanye abantu bengeke basabe ukuzoqasha kuwo.

Umzala kamufi, uJulia Mudau, uthe abazange banqabe ukugeza umuzi kaMagadla, inkinga kwaba ukungaxhumani kahle.

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()