Pretoria – UMengameli Jacob Zuma ukhulume ngentukuthelo wachaza ukuthi kungani kwasungulwa amaqembu aphikisayo emcimbini we-ANC obubanjelwe ePitoli ngoLwesihlanu.
Lo mcimbi ubuhanjelwe ongqongqoshe bakazwelonke nabezifundazwe.
“Amaqembu aphikisayo asungulwa ngenxa yemibono yamaqeqebana noma abantu abathile ababedinwe okuthile ngaleso sikhathi," kusho uZuma ethula inkulumo eqavile.
OLUNYE UDABA: UMengameli Zuma kuzomele akhulume iqiniso - Buthelezi
“Kepha i-ANC yasungulwa ngenxa yokubuka isimo sezwe nenselelo abantu bakuleli ababebhekene nayo, ukuze kulwelwe amalungelo abo."
Uqhube ngokuthi i-ANC yasungulelwa ukulwela ukulingana, ukuqeda ubandlululo nokulwisana nezinto eziningi azazenzeka ngaleso sikhathi eyasungulwa ngaso.
Umengameli Zuma ube esethi: "Uma uvotela elinye iqembu lezombusazwe, usuke udlala ngesikhathi."