‘UMalema udinga usizo lwezengqondo’

Johannesburg – Umholi we-Economic Freedom Fighters, uJulius Malema, udinga usizo lwezengqondo, kusho i-ANC Youth League (ANCYL).

Lokhu kungemuva kwezitatimende ezenziwe uMalema e-United Kingodom ngesonto eledlule.

UMalema wathi uNelson Mandela walidayisa izwe ngemuva kokuphuma ejele, waphinde wathi uhleko lukaMengameli Jacob Zuma lugqiba ukuphatheka kabi.

"Ukuhlasela owayengumengameli ongasekho emhlabeni uNelson Mandela, ubaba wesizwe, kwaba yinto embi impela, kepha uma sibheka isimo somqondo kaMaleam izwe akumele likhathazeke,” kusho i-ANCYL esitatimendeni.

OLUNYE UDABA: Uhleko lukaZuma lugqiba ukuphatheka kabi – Malema

Inhlangano ithe amagalelo kaMandela ayazikhulumela wona ngokwawo, hhayi eNingizimu Afrika kuphela kepha emhlabeni jikelele, ngakho akufanele engabe kukhulunywa ngaye kanje, ikakhulukazi “isidalwa esifana noMalema”.

I-ANCYL isole uMalema ngokuba yiphixiphixi elithanda ukubukwa.

Le nhlangano ibe isinxusa abantu ukuba bamzibe futhi baziqhelelanise noMalema.