Durban – Amaphoyisa aseMlazi acela noma ngabe ngubani ongaba nosizo olungaholela ekutholakaleni kukaSithembile Ndlovu, 23, wasemijondolo yaseMhlabeni, eMlazi, ukuba axhumane nawo.
UNdlovu wagcina ukubonakala ngomhlaka-17 Novemba nonyaka esendleleni eya esibhedlela, wangaphinde wabuyela ekhaya.
OLUNYE UDABA: Amaphoyisa adinga usizo ngowesilisa odukile e-KZN
“Egcina ukubonakala wayegqoke ingubo emfushane enemigqa ebomvu nemnyama, ophaqa be-Adidas abanoku-navy nokuluhlaza sasibhakabhaka,” kusho uLieutenant Nqobile Gwala.
Kucelwa ongaba nosizo ukuba ashayele uWarrant Officer Magic Ngcobo ku-078 100 5463 noma ku-031 908 0064 noma ashayele iCrime Stop ku-08600 10111.