Umqwayizi ushaye ikhasimende elizitike ngaye langakhokha

Durban - Kuputshuke i-video etshengisa owesimame eshaya owesilisa wabe esemphuca imali.

Lo wesimame ubonakala ecindezele umlungu phansi esesha amaphakethe akhe eloku ephinda ethi “usile.”

Abazibonele ngawabo bathi lo wesimame ubehlasela lo mlisa ngoba engafuni ukukhokha ngemuva kokuthi lo wesimame 'emnike into ebeze ngayo'.

Kodwa kuzwakala lo mlisa ethi unamanga lo wesimame ngalokhu akushoyo.

OLUNYE UDABA:Kushone abantu abayisithupha ibhasi lishayisa iloli elimile

Esehamba lo wesimame uzwakala ethi: “Ungithatha kancane, ufike ulale nami bese ungafuni ukukhokha.”

Ngemuva kokuthi owesimame ehlulekile ukuthatha isikhwama salo mlungu, ubonakala ekhipha imadlana esikhwameni ngaphambi kokubaleka.

Le ndoda ebonakalayo ukuthi iqhuba imbuzi, iyazama ukusukuma icoshe izinto zayo bese ihamba lukeke.

Lesi sigameko kukholakala ukuthi senzeke eClairwood, eThekwini.