Durban – Uthisha waseNquthu osolwa ngokuthatha amafilimu elele nezingane zesikole usamile kwelokuthi akanacala, futhi uyaziphika izinsolo abekwa zona.
Ummeli kalo thisha useveze ukuthi ama-video kalo thisha esocansini nabesifazane, akubona abafundi kepha “abantu abadala”.
Njengoba amaphoyisa ephenya icala lokudlwengulwa kwabantu abangaphansi kweminyaka, igama nesibongo kwalo thisha kugodliwe ukuze kuvikelwe labo abayizisulu.
Okhulumela amaphoyisa uLieutenant-Colonel Thulani Zwane ngoLwesithathu uthe basaphenya ngaleli cala kanti bekungakaboshwa muntu.
OLUNYE UDABA: Kusuke isidumo kusabalala i-video kathisha elele nomfundi eNquthu
“Sicela umphakathi ukuba usitshele uma umbona noma wazi lapho ekhona,” esho.
Lo thisha wamiswa emsebenzini ngemuva kokusabalala kwala ma-video.
Okhulumela uMnyango wezeMfundo KwaZulu-Natal uMuzi Mahlambi uthe lo thisha akaze aye emsebenzini kusukela kwaputshuka la ma-video ngesonto eledlule.
UBruce Macgregor, ongummeli kalo thisha, ubhalele iNews24 ngoLwesibili.