Johannesburg - Owesifazane owatholwa enecala lokubulala umyeni wakhe ezinyangeni ezimbili ezedlule uzolinda enye inyanga kuze kuqala ukulalelwa kwesigwebo sakhe.
Icala likaTertia Vukomanovic lihlehliswe eNkantolo eNkulu yaseGoli ebihlezi eNkntolo yeMntshi yasePalm Ridge eningizimu nempumalanga neGoli ngoMsombuluko njengoba kusalindwe eminye imibiko.
Ummeli wombuso uDavid Mothibe uqinisekise inkantolo ukuthi owezindaba zabantu uzobe eseyiqedile imibiko uma uVukomanovic esevela enkantolo.
OLUNYE UDABA: UReeva wayesaba uPistorius-Nel
UVukomanovic‚ 30‚ wadubula wabulala umyeni wakhe uTomislav‚owayeneminyaka engu-32 ubudlala ngesikhathi sesigameko emdubula engale kwesicabha emzini wabo oseNorwood ngonyaka wango-2013 ku-Okthoba.
UVukomanovic wathi wayezivikela wathi futhi umyeni waklhe wayenodlame futhi emhlukumeza.
UVukomanovic wethula ubufakazi wathi wadubula umyeni wakhe ngemuva kokuba emhlaselile kodwa imibiko ithi wadubula engale kwesicabha.
IJaji uTshifhiwa Maumela wathola uVukomanovic enecala ngoDisemba.
Ibheyili kaVukomanovic yemali engu-R5 000 yeluliwe kanti uzophinde avele enkantolo ngomhlaka7 Mashi.
- TMG
- “Like” ikhasi lethu kuFacebook ukuze uthole izindaba ngolimi lwakho