Dullstroom - Owesilisa oneminyaka engu-29 ubudala osolwa ngokushisa amahhovisi abaseshi eDullstroom ugwetshwelwe amanye amacala.
UThomas Bhekumuzi Masina, uvele phambi kweNkantolo yesiFunda eDullstroom ngoLwesithathu.
Lo msolwa wavela phambi kwenkantolo ngomhlaka-11 Meyi 2017 lapho alengiselwa khona isigwebo seminyaka emithathu ngamacala okushaya ngenhloso yokulimaza.
Ecaleni lokuqala uMasina wahlasela owesilisa waselokishini eSakhele wabe esemphuca umakhalekhukhwini nemali.
OLUNYE UDABA:Izakhamuzi zithi isiteshi samaphoyisa sesiphenduke ikhaya labaqwayizi
Kulokhu, umsolwa watholakala nemoto enezincwadi zezimoto ezimbili ne-sound system okukholakala ukuthi kwebiwa emzini oseDullstroom.
Lokhu kwatholwa abaseshi ngesikhathi besesha ikhaya lakhe ngemuva kokuba eshise amahhovisi abaseshi.
Kulesi sigwebo sezinyanga ezingu-12, izinyanga eziyisithupha zilengiswe isikhathi esingangeminyaka emithathu.
Lesi sigwebo sihambisana nenhlawulo ka-R6 500 kodwa imali engango-R4 500 ilengiswe iminyaka emihlanu, kubika iThe Citizen.