Johannesburg – Kuthiwa indlela umzimba womuntu wesilisa nowesifazane owakhiwe ngayo kwenza kube nezinto ezithile ezihlukile ngendlela umzimba owamukela ngayo utshwala.
Izinga leBlood alcohol content (BAC) liyehluka uma umuntu wesifazane esesikhathini ngoba umzimba ugcina amanzi amaningi ngalesi sikhathi.
Ngokwejwayelekile, abesifazane banamanzi amaningi ngesilinganiso esiphakathi kuka-10 no-15% emzimbeni uma beqhathaniswa namadoda, kanti uma besesikhathini – amanzi aba maningi kakhulu emzimbeni.
OLUNYE UDABA: Uganise indodakazi ngoba efuna utshwala bamahhala - Umbiko
Ngokusho kukaSolwazi uDenis Viljoen, onguSihlalo weFoundation for Alcohol Related Research (FARR), utshwala buthatha isikhathi esiyimizuzu engu-30 ukufika engqondweni, kanti buhlala isikhathi eside egazini uma obuphuzayo enamanzi amaningi emzimbeni.
“Ngenxa yokuthi abesifazane banamanzi amaningi emzimbeni ukudlula amadoda, lokho kusho ukuthi utshwala buyazwela kakhulu kubona,” kusho uViljoen.
"Ngisho owesilisa nowesifazane bangaphuza isikali esilinganayo sotshwala, utshwala buba buningi egazini lowesifazane ngoba buthatha isikhathi ukuthi betshiseke ngaphakathi," esho.