Johannesburg – Lowo owayeyisilomo se-Orlando Pirates neBafana Bafana, uSteve Lekoelea, kulindeleke ukuba avele enkantolo ngoLwesine kulandela ukutholakala nemoto eyebiwe.
ISiya crew ithole isiqinisekiso sokuthi le nkakha iboshelwe esiteshini samaphoyisa esise-Orange Farm.
Okhulumela amaphoyisa uCaptain Johannes Motsiri nguye oqinisekise ukuthi uLekoelea uboshiwe.
OLUNYE UDABA: ULekoelea usolwa ngelokudlwengula
“Usaboshiwe namanje, uzoze avele enkantolo yaseVereeniging ngoLwesine. Uboshwe ngemuva kokutholakala nemoto okusolakala ukuthi yebiwe.”
ULekoelea waqala ukudlala ibhola elikhokhelayo ezibiza ngoSteve Motsiri, edlalela iMoroka Swallows.
Wabe esezakhela udumo ngesikhathi esegijima kuPirates nakuBafana Bafana.