Publications
Partners
Johannesburg – UMengameli Jacob Zuma kubikwa ukuthi usetshele abaholi abaphezulu abayisithupha beqembu elibusayo, i-ANC, ababizwa ngeleTop 6 (okuhlanganisa noZuma) ukuthi uphezu kwezinhlelo zokuxosha uNgqongqoshe wezeziMali, uPravin Gordhan.
Isiteshi sikamabonakude sezindaba, i-ANN7, sibike ngoLwesibili ukuthi uZuma utshele lobu buholi be-ANC ukuthi uhlose ukuthi amsuse uGordhan njengoNgqongqoshe wezeziMali.
I-ANN7 iphinde yabika nokuthi lowo owayeyisikhulu esiphezulu sakwa-Eskom, uBrian Molefe, angeke athathe izintambo kuGordhan njengoNgqongqoshe wezeziMali.
OLUNYE UDABA: UZuma usolwa ngokuthunaza isithunzi sezwe ebuyisa uGordhan phesheya
Lokhu kuza njengoba kulokhu kukhule njalo ukuqagula ngokuguqulwa kweKhabhinethi okungase kwenziwe nguMengameli Zuma.
UGordhan ubesemahhovisi ayikomkhulu le-ANC, iLuthuli House, ngoLwesibili ekuseni.
NgoMsombuluko (izolo), uZuma uyalele uGordhan, uSekela Ngqongqoshe wezeziMali, uMcebisi Jonas, kanye noMqondisi Jikelele eHhovisi loMgcinimafa, uFuzile Lungisa, ukuthi babuyele eNingizimu Afrika, ngemuva nje kosuku olulodwa bethathe indiza ebheke e-UK njengengxenye yemihlangano yabo ewuchungechunge yokuheha abatshali bezimali.
La baholi abayisithupha abaphezulu be-ANC bahlangane ngoMsombuluko ebusuku.
Kuzokhumbuleka ukuthi ngaphambilini namhlanje (ngoLwesibili) iBloomberg ibike ukuthi uZuma uye watshela abaholi be-SACP ukuthi uhlela ukuxosha uGordhan. Okungenani abantu abathathu abanolwazi ngalolu daba baqinisekise lokhu kuBloomberg.
UGordhan ubuyele kuleli ngoLwesibili ekuseni.
Video: Brian Molefe will not replace Pravin Gordhan as FM: @ANN7tv Sources | https://t.co/nOXiMXpKAS pic.twitter.com/XqPPJwPQ80
— ANN7 (@ANN7tv) March 28, 2017
Finance minister Pravin Gordhan's office in Pretoria today ... tensions are brewing over his future. pic.twitter.com/Eq3lYnHRgF
— Matthew le Cordeur (@lecordeur) March 28, 2017
